គម្រោងសុវត្ថិភាពស្បៀង

អង្គការយូមេនីធីហ្វើសកម្ពុជា បានសហការជាមួយអាជ្ញាធរមូលដ្ឋាន បានចែកសាច់គួរពានដល់ប្រជាពលរដ្ឋចំនួន១,៥១២គ្រួសារ ស្មើនឹង៦,៣១៦នាក់។ សកម្មភាពចែកសាច់គោគួរពាននេះធ្វើឡើងនៅក្នុងខេត្តមួយចំនួនដូចជា ខេត្តកំពង់ឆ្នាំង កំពត ស្ទឹងត្រែង ត្បូងឃ្មុំ និងរាជធានីភ្នំពេញ។ សូមអរគុណដល់អ្នកស្ម័គ្រចិត្តទាំងអស់គ្នានៃអង្គការយូមេនីធីហ្វើសកម្ពុជា ដែលបានចំណាយពេលវេលាដ៏មានតម្លៃក្នុងការរៀបចំសកម្មវិធីនេះឡើង ដោយទទួលបានជោគជ័យ និងជាពិសេសក៏សូមថ្លែងអំណអរគុណយ៉ាងជ្រាលជ្រៅបំផុតចំពោះសប្បុរសជននៃប្រទេសអាល់លឺម៉ង់ ម្ចាស់ជំនួយ និងសូមបួងសួងដល់អល់ឡោះ សូមទ្រង់មេត្តាប្រទាននូវពរជ័យ ពើរកាត់(សេចក្តីរីកចម្រើន) រ៉ោះម៉ាត់(ការអាណិតអាស៊ូ) និងអាហ្វីយ៉ាត់(សុខភាពល្អ)

នៅថ្ងៃទី២៣ ខែមីនា ឆ្នាំ២០២៥ អង្គការយូមេនីធីហ្វើសកម្ពុជា បានចែកកញ្ចប់អាហារខែរ៉ម៉ាឌន ដល់ពលរដ្ឋចំនួន៣៦០គ្រួសារ ស្មើនឹង១៤៤០នាក់ នៅខេត្តកំពង់ឆ្នាំង ខេត្តកំពត ខេត្តត្បូងឃ្មុំ ខេត្តស្ទឹងត្រែង និងរាជធានីភ្នំពេញ។ កញ្ចប់អាហារដែលពួកគាត់ទទួលបានរួមមានដូចជា អង្ករ ទឹកដោះគោ ប្រេងឆា មី ត្រីខ ទឹកត្រី និងផ្លែល្មើ។