គម្រោងរបស់យើងខ្ញុំ

អណ្តូងស្នប់ខ្នាតធំចំនួន០៥ អណ្តូង បានតម្លើងឱ្យពលរដ្ឋដែលខ្វះខាតទឹកប្រើប្រាស់ នៅខេត្តត្បូងឃ្មុំ ខេត្តក្រចេះ និងខេត្តស្ទឹងត្រែង។ អរគុណដល់សប្បុរសជននៃប្រទេសអាល្លឺម៉ង់ដែលបានផ្ដល់ជំនួយជាអណ្តូងស្នប់នេះ និងជាពិសេសអរគុណបំផុតដល់ក្រុមការងារស្ម័គ្រចិត្តនៃ អង្គការយូមេនីធីហ្វើសកម្ពុជា ដែលចូលរួមយ៉ាងសកម្មក្នុងដំណើរជីកពីដើមរហូតដល់ចប់។ #គម្រោងទឹកស្អាតសម្រាប់ជីវិត #waterforlife #hfcambodia

ដោយសារជំនួយមនុស្សធម៌ពីពលរដ្ឋនៃប្រទេសអាលឺម៉ង់ តាមរយៈអង្គការយូមេនីធីហ្វើសប្រទេសអាលឺម៉ង់ និងអនុវត្តន៍សកម្មភាពដោយអង្គការយូមេនីធីហ្វើសកម្ពុជា ព្រមទាំងមានការសហការជាមួយអាជ្ញាធរមូលដ្ឋាន បានចែកសាច់គោគួរពានដល់ប្រជាពលរដ្ឋចំនួន ១,៤១២ គ្រួសារ ស្មើនឹង៥,៨៦៤នាក់។ សកម្មភាពចុះចែកសាច់គោគួរពាននេះធ្វើឡើងនៅក្នុងខេត្តកំពង់ឆ្នាំង កំពត ស្ទឹងត្រែង ត្បូងឃ្មុំ និងរាជធានីភ្នំពេញ តាមរយៈអ្នកស្ម័គ្ររបស់អង្គការយូមេនីធីហ្វើសកម្ពុជានៅថ្នាក់មូលដ្ឋាន។ សូមអរគុណដល់អ្នកស្ម័គ្រចិត្តទាំងអស់គ្នាដែលបានចំណាយពេលវេលាដ៏មានតម្លៃក្នុងការចុះចែកសាច់គួរពានដែលវាទទួលបានជោគជ័យ និងជាពិសេសក៏សូមថ្លែងអំណអរគុណយ៉ាងជ្រាលជ្រៅចំពោះសប្បុរសជន ម្ចាស់ជំនួយ និងសូមបួងសួងដល់អល់ឡោះ សូមទ្រង់មេត្តាប្រទាននូវពរជ័យ ពើរកាត់(សេចក្តីរីកចម្រើន)